حمامات على كل لون للبشره

ريتاج احمد · 09-09-2009, 10:05 PM

حمام على كل لون
السلام عليكم

يا ترى فكرتِ مرة تروحي حمام مغربي، وتتمتعي بحمام بخار ومساج بالزيوت الطبيعية!! فكرتِ مرة وإنتِ مرهقة وتعبانة ورقبتك وظهرك مسبيبن لك ألم مزعج إنك تدوري على علاج..!!!
ممكن تعتبروها رفاهية... وممكن تعتبروها تجهيزات خاصة بالعروسة وبس. لأنها مجرد ماهتتجوز هتنسى نفسها..!!
تعالوا ندخل "حمام مغربي" مليان بالبخار والأعشاب الطبيعية وكمان نعمل مساج بالزيوت ونشوف بيحصل إيه والفرق بينه وبين الحمام التركي القديم.. مش بس كده ده فيه حمام أوزون وحمام العروسة والحمام الفرعوني..!!

هل حمام البخار والمساج دعوة للاسترخاء؟

بعد فترة طويلة من الشغل بتلاقي نفسك تعبانة جداً كل جسمك أكتافك -رقبتك- بطنك.. المساج وحمام البخار ليس رفاهية في كثير من الأوقات ولكنه ضروري لتنشيط الدورة الدموية لأن عدم انتظامها بيسبب الإرهاق العام اللي ممكن تشعر به البنت.
فيه ناس معتقدة إنه دلع!!
لما تيجي وإنتِ في غاية التعب ومش قادرة تقفي أو تفتحي عينيك وبعد المساج وحمام البخار بدأت الدورة الدموية تعمل "صح" أكيد ده مش دلع.

المساج النهادره بقى بالزيوت الطبيعية.. إيه الفرق؟

طبعاً الزيوت الطبيعية تتفاعل مع طبيعة كل جسم، كل منا له طبيعة مختلفة ويحتاج نوعا خاصا من الزيوت قد يكون الجسم بحاجة إلى مساج النعناع أو البرتقال أو بالروائح العطرية.
ازاي تقدري تحددي نوع الزيت المناسب للجسم!
من خلال كلامي مع البنت أقدر أعرف شكواها وأحدد المادة المناسبة والمطلوبة لتخفيف آلامها وإزالة الإرهاق... لازم أسألك إنت هنا عاوزة إيه، وفين موضع الألم "المساج فن حقيقي ومؤثر جداً في علاج الجسم المرهق".
وممكن يكون سبب التعب إنها تحتاج إلى تنظيف بشرة للجسم بأكمله... ممكن يكون السبب إن البشرة مليئة بالحبوب والبثور المزعجة أو الاسمرار زائد فيها عن الحد الطبيعي، كل المشاكل دي ممكن تكون أحد أسباب الإرهاق النفسى اللي أكيد بينعكس على الحالة العامة.

أهم الزيوت المخففه للألم؟

النعناع مفيد جداً للانتعاش وتخفيف الألم، اللافندر من الزيوت المهمة جداً للجسم وبتساعد على الاسترخاء، وكمان الورد بيساعد على الاسترخاء... هناك زيت مخصوص من شرق آسيا من منطقة "بالي" ريحته رائعة وتأثيره فعال جداً... والاستخدام على حسب الحالة.
هل ده نفس فكرة "الحمام" القديم... اللي كان موجود في الأسواق الشعبية وكانت السيدات يذهبن إليه
للتكبيس؟

كانوا زمان مهتمين بأجسامهم وبشرتهم.. لو سألتِ جدتك أو والدتك عن بشرتها هتلاقيها بشره ناعمة وكمان غير "مشعرة" لأن الست زمان متعوده تهتم ببشرتها كل أول شهر لازم تروح حمام البخار وتشيل الجلد الميت والشعر الزايد وتفرك كعبها.. ده اهتمام ثابت كان عند الست المصرية زمان... النهارده كل الشكوى للآسف من قلة الاهتمام وكمان من قلة النظافة الشخصية.
الفرق بين الحمام القديم -حمام التلات أو الحمام التركي- والحمام المغربي الحديث!
الحمام المغربي ببساطة عبارة عن حمام بخار.. حوض من الميه الساخنة مليان بالأعشاب العطرية المغربية.. يعمل البخار على تفتيح مسام الجسم كله لتسهيل مهمة فرك الجسم للتخلص من خلايا الجلد الميتة وتنشيط الدورة الدموية، أما الفرق بينه وبين الحمام التركي.. أعتقد إنه مافيش غير إنه أصبح صحي أكثر، بدأ خبراء في علاج البشرة والعلاج الطبيعي يدخلوا هذا المجال، وكمان فكرة إن أكثر من واحدة تشترك في حمام بخار واحد أو ينزلوا "ميه واحدة" دي فكرة بالطبع أصبحت مرفوضة... الفكرة واحدة لكن فرق الوقت.. العصر أصبح مختلف لأن الخصوصية تحافظ على الصحة من الأمراض اللي بدأت تنتشر وبيساعد في انتشارها العادات الغلط.

إيه حكاية حمام الأوزون وازاي بيعالج الجسم ويساعد على تخفيف ألم الدوالي؟

الأوزون اكتشاف رائع وهو عبارة عن "مساج تحت الماء" ضربات الميه السخنة بتضرب في الجسم في صورة "مساج" وده بيفتح المسام، بعد كده ينزل الأوكسجين يدخل للجلد فيتفتح لونه ويصبح لونه منعش... وتأثير حمام الأوزون يوازي الجري في التراك لمدة ساعة وبيساعد جداً على تنشيط الدورة الدموية بالإضافة لتفتيح البشرة وعلاج العضلات المرهقة المشدودة.. مشكلة الجلد الأسمر وخاصة المناطق التي أصبحت أكثر اسمرارا في الجسم إن الجلد قفل على بعضه وتعفن وعلاجه حمام الأوزون اللي بيساعد على تفتيح المسام ودخول الأكسجين إلى الجلد..
هل الأوزون ممكن يفتح أي اسمرار وخاصة في منطقة ما بين الفخذين، والبكيني، والإبط، والنتوءات السمراء في الجسم!
بالطبع هو علاجها الوحيد وليس الكريمات، ويعالج أيضاً الدوالي والصدفية وكل الأمراض الجلدية.

أشهر أنواع الحمامات النهارده المفيدة للبشرة!!

الحمام المغربي... بالأعشاب اللي اتكلمنا عنه لأنه يعطي الجسم رائحة أعشاب رائعة ولون جذاب يدوم بالجسم أكثر من أسبوع، كمان بيعطي للجسم ملمساً خاصاً.
- فيه حمام الملكة باللبن.... وبيستخدم فيه مستحضرات شبيهة بمنتجات الألبان وده بيعطي للبشرة رونقا مشرقا وملمسا ساحرا.
- والحمام الفرعوني.... وده حمام بخار ولكن بالأعشاب الفرعونية بيساعد على الاسترخاء، وإزالة الأرق وهو نفس فكرة الحمام المغربي.
- أما حمام البرنسيسات.... ويستخدم فيه عطور شرق آسيا والهند والمغرب العربي زي جوز الهند الطبيعي، واللوز الحلو والمر الطبيعي والسمسم.

نفسنا ندخل عالم حمام الأميرات؟

تعالوا معايا....
هو عبارة عن حمام يهتم بالجسم والشعر، يبدأ الحمام بعمل حمام كريم للشعر بالنخاع الطبيعي والزيوت الطبيعية المناسبة واللي بتتلاءم مع نوعية شعرك، وبعد كده دور حمام البخار بالصابون الطبيعي الخالي من أية مواد كيماوية أو الصودا، بعدها نقوم بتكييس الجسم باللوفة الخاصة بإزالة الجلد الميت لحد ما تصبح المسام مفتوحة وعلى أتم استعداد لاستقبال الماسك وبعدها نستخدم ماسك خاص لكل بشرة على حده.
وتروح البنت تقعد في الجاكوزي بالأعشاب ويتم عمل Scrub للجسم بأكمله وبعد الانتهاء منه تعود للجاكوزي مرة تانية لمدة عشرين دقيقة، ويلي ذلك عمل المساج بالزيوت العطرية لمدة ثلاثين دقيقة، وأخيرا تنظيف القدم بإزالة الجلد الزائد وعمل مساج للقدم واليد معاً.

وحمام العروسة؟!
يفضل وجود العروسة قبل الزفاف على الأقل بأسبوع عشان تحضير أفضل الماسكات التي تتلاءم مع بشرتها، فمثلاً ماسك الوجه للعروسة يتم على ثلاثة أيام متتالية، في اليوم الأول نقوم بتنظيف البشرة بطريقة ناعمة جداً تعمل على التخلص من كامل الدهون والرءوس السوداء مع عمل ماسك للبشرة ومساج، أما اليوم الثاني فنقوم بعمل ماسك لتفتيح البشرة وتغذيتها مع المزيد من المساج، وفي اليوم الثالث ماسك خاص لترطيب البشرة وتنشيط الدورة الدموية وجعلها أكثر بريقاً.
وبعدها نعمل على إزالة الشعر وتعمل العروسة الماسكات الطبيعية والبخار وحمام كريم للشعر والمساج...
وبعد كده ييجي دور الرسم بالحنة المغربية ده بالإضافة للباديكير والمانيكير.

هل الزيت مفيد للجسم أكثر من الكريم؟

فيه أجسام تحتاج للزيوت وأجسام أخرى لازم تستخدم كريم على حسب نوع البشرة، المهم ترطيب الجسم مهم جداً.. أصحاب البشرة الجافة لا يبذلون جهداً -مع الأسف- لترطيبها، أيضاً أصحاب البشرة الدهنية يكثرون من أكل الدهون والمحمرات والنشويات وتزداد كل مشاكل بشرتهم وكمان لا يبذلون جهداً لعلاجها.

هل من الصعب تحديد نوعية البشرة؟

أكيد فيه ناس نص بشرتهم دهني ونصها الثاني جاف وبالتالي ممكن تكون البنت بتستخدم لوشن ومكياج غير متناسبين لنوعية بشرتها وبالطبع الجهل بنوعية البشرة يعرضها للمشاكل المزمنة زي الحبوب البيضاء أو الجفاف الدائم، أو أحياناً بعض البنات بتستخدم كريم صنفرة غلط وتفتح مسامها أكثر وتؤذي بشرتها...
كمان بانصح البنات إنهم مايستخدموش الكريمات والأعشاب الخاصة بالبشرة سواء لتفتيح المسام أو الصنفرة بأنفسهم لازم يتم ده من خلال خبيرة تجميل.

ببساطة ممكن المسام تتفتح وماتعرفش البنت تقفلها تاني، فيه بنات بيعملوا التقشير الكيميائي في البيت باستخدام الكريمات ونتيجة لسوء الاستخدام تتعرض البشرة لمشاكل أشبه بالحروق وبالطبع آثارها صعب إزالتها، وتتمنى البنت لو إن بشرتها ترجع زي زمان..

ممكن تشتري مواد غالية جداً وتخرب بيها بشرتها، لماذا لا ألجأ إلى حد متخصص يحدد نوع بشرتي صح وينصحني ازاي أهتم صح وأستخدم إيه من الحاجات الطبيعية المفيدة للبشرة التي لا تسبب لي آثارا جانبية.

رأيك إيه في كريمات التفتيح بدرجاتها؟!!

أنا ضد استخدام المواد الكيماوية على البشرة، لا توجد عصا سحرية تفتح البشرة... لو النهارده أنا عندي عشرين سنة باستخدم كريمات تفتيح عنيفة ومهلكة...

السؤال لما يكون عندي أربعين سنة هاعمل إيه...؟!!

الحفاظ على البشرة ضروري لأني محتاجاها تعيش معايا بنضارتها فترة -إن شاء الله- طويلة... أكيد لا أرغب أن تكون بشرتي النهارده حلوة وبعد كام سنة مجهدة ومجعدة ومليانة مشاكل، إيذاء البشرة وعلاجها بياخد وقت وعلاج طويل والنتيجة مش مضمونة.

هل فيه مساج خاص لعلاج السليوليت، وهو يعني تجمع الدهون في منطقة واحدة في الجسم زي الأرداف والذراع وأعلى الفخذ؟

بالتأكيد بس أنا أنصح دايماً بالابتعاد عن الضغط العصبي والنفسي فهما عاملان نشيطان جداً ولهما تأثير سلبي في زيادة السليوليت أو زيادة تراكم الدهون وتجمعها في الجسم على شكل شبه "البرتقالة" شوية سواء في الذراع أو في الأرداف، كمان أنصح بتجنب تناول الوجبات المحتوية على الكثير من الدهون والأكل بين الوجبات الرئيسية، كمان لازم نشرب ميه كتير ومن المفيد جداً ممارسة الرياضة زي المشي يومياً، وبعد كده يأتي دور المساج.. "السليوليت " بيحتاج إلى نوعية خاصة من المساج اللي يعمل على توزيع الدهون وتفتيتها في المكان المصاب بالسليوليت ، كل ده وفقا لبرنامج خاص يكون نتيجته فعالة بنسبة 100% فقط إذا تمت المواظبة عليه.

إيه النصائح المهمة اللي ممكن البنت تعملها في البيت؟!!

- لو عاوزة بشرة فائقة النعومة ممكن تستعملي الماسك ده...
صفار بيضة بلدي طازجة+ عسل+ زيت زيتون وقومي بمزجهم جيداً واحفظي هذا المزيج في مكان بارد لمدة يومين ثم ابدئي في تدليك بشرتك بلطف من أسفل العنق إلى أعلى، وكذلك الوجه، واتركي المزيج على بشرتك لمدة عشر دقائق وسوف تشعرين بالفرق.

- ولحمايتك من ترهل البشرة استعملي زيت اللوز فله مفعول السحر على بشرتك، وسوف تلاحظين الفارق خلال أيام ولكن عليك بالمداومة كي تنعمي بالجمال، كما أن لشرب المياه والشاي الأخضر وكثرة تناول الفاكهة أكبر الأثر على نضارة البشرة.

شيماء وجيه · 11-03-2009, 08:04 AM

شـكــ وبارك الله فيك ـــرا لك ... لك مني أجمل تحية .

موفق بإذن الله ... لك مني أجمل تحية .

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
اكبر عدو للبشره	ريتاج احمد	العناية بالبشرة	1	10-09-2010 11:18 AM
حمامات روعة	حنين الاشواق	الديكور والاثاث	1	11-18-2009 10:44 PM
ديكور حمامات	المحررة	الديكور والاثاث	2	07-29-2009 09:25 PM
حمامات قمة فى الاناقة	أميرة القلوب	الديكور والاثاث	3	07-25-2009 08:31 PM
حمامات فخمة.حمامات ولا غرف نوم .حمامات ولا في الاحلام.	حنين الاشواق	الديكور والاثاث	0	05-11-2009 08:39 AM

الذين يشاهدون محتوى الموضوع الآن : 1 ( الأعضاء 0 والزوار 1)

حمامات على كل لون للبشره

العناية بالبشرة

حمامات على كل لون للبشره

حمامات على كل لون للبشره