خلود

نسرين سليمان · 08-31-2010, 05:57 AM

قصة خلود رووووووووعه

قصه واقعيه لفتاة قطريه عاشت مع أمها الكويتية في الكويت , أمها تزوجت بقطري وأنجبتها ثم طلقها زوجها القطري وعاشت مع أبنتها بالكويت وتزوجت بابن عمها الكويتي وأنجبت بنت وولد والقطري كان متزوج ولديه بنت وولد وأصبح أرمل ثم تزوج الكويتية.
ـــــــــــــــــــــــــــــــــــــــــ
الشخصيات:
ـــــــــــــــــــــــــــــــ
عائلة بوخالد(الكويت)
الأب : بوخالد 40سنة يعمل في وزارة الداخلية
الأم:أم خالد 37سنة ربة بيت
أبنائهم:
خلود:20سنة طالبة في كلية العلوم الاجتماعية بالكويت، بنت أخلاقها عاليه وهي مزيووونه ,متحجبة .
عهود: 18سنة في الثانوي وهي مجتهدة كثيرا وهي فائقة الجمال وأيضا متحجبة .
خالد: 15سنة في الثانوي وهو ذابح عمره بالدراسة وحلمه أن يصبح دكتور
ـــــــــــــــــــــ
عائلة (بومحمد)
تتكون من: الجد: بومحمد , أبناءه ثلاثة :
الأكبر: محمد (بوجاسم) وزوجته أم جاسم ولديه جاسم ابنه الأكبر وعمره 26عام يعمل في شركة العائلة وهو شاب مزيون ووسيم وطويل وأخيه الثاني ناصر وعمره 22 يدرس في جامعة قطر وهو أيضا فائق الجمال وصاحب مواقف مرحه وروحه مرحه.
الثاني: عبدا لعزيز(بوسعود)وزوجته أم سعود ولديه ابنه سعود وعمره 20سنه ويدرس مع ناصر في نفس الجامعة, ولديه ابنه اسمها روضه وعمرها 17سنه وتدرس بالثانوي.
الأصغر: حمد(بوحسن)أرمل: ولديه ابنه الكبرى اسمها فاطمة وعمرها 25سنه وهى مخطوبة وحسن عمره 21سنه وأيضا يدرس مع ناصر سعود وابنته التي بالكويت هي خلود.
ــــــــــــــــــــــــــــــــــــــــــــــــــ
في الكويت
أم خالد:بوخالد أمس اتصل بوخلود ويقول انه يبي خلود ترد له ها وش رأيك؟
بوخالد: والله يا أم خالد البنت كبرت وتفهم ولازم تعرف إنها قطريه مو كويتيه وأنا مو أبوها!
أم خالد: يقول بوخلود انه يبيها باجر تسافر لقطر واهي الحين خلصت كورس من الجامعة واتكمل اهناك بس؟
بوخالد: شنو اللي بس يأم خالد البنت محتاجه لاهلها أكثر .
في جامعة الكويت
خلود: يلا يا منى خلينا نودع الدكاترة اليوم آخر يوم لنا في هذا الكورس .
منى: يلا ياحلوة مشينا.
ـــــــــــــــــــــــــ
في قطر
الجد: ها يا بوحسن متى توصل خلود لقطر.
بوحسن: أن شاء الله باجر الوصول.
بوحسن : فاطمة
فاطمة: هلا يبه .
بوحسن: قلتي لأولاد عمج وأخوج وبنت عمج إن لهم بنت عم وبتوصل باجر.
فاطمة : إيه يبه .
ـــــــــــــــــــــــ
في جامعة قطر
ناصر وحسن وسعود جالسين في كافتيريا الجامعة
ناصر: صحيح الكلام اللي سمعته أن لنا بنت عم بالكويت وباجر بتوصل.
حسن: أنا مو قادر أستوعب أن لي أخت عايشه بالكويت.
سعود: اي صحيح الكلام اللي سمعتوه وباجر بيروح أبوي وأعمامي يستقبلونها.
ـــــــــــــــــــــــــ
في الكويت
خلود وصلت للبيت
خلود: السلام عليكم
بوخالد وأم خالد: وعليكم السلام
أم خالد: خلود بدلي ثيابج وتعالي بقولج شي
خلود: خير يمه شسالفه
أم خالد: بدلي وتعالي
خلود: ان شاء الله يمه
وراحت خلود لغرفة أمها
خلود: خير يمه في شي؟
أم خالد: تعالي اقعدي بجنبي
وجلست خلود بجنب أمها
أمخ خالد: خلود أنتى قطريه
خلود باستغراب: نعم شنو؟
أم خالد: خلود بوخالد مو أبوج أبوج قطري
وأم خالد قالت كل شي لخلود
خلود واهي دموعها تنزل : يمه ماأقدر أخليج أنتي وأخواني اشلون أروح لناس ماأعرفهم .
أم خالد وهي تبكي حضنت خلود وقالت: يا حياتي أنا بزورج

بقطر كل ما حصلت لي فرصة.
خلود وهي تمسح دموعها: ان شاء الله يمه بروح لقطر .
ـــــــــــــــــــــــــ
في الصباح
سلمت خلود على أختها عهود وأخوها خالد ووصولها للمطار وراح معها أخوها خالد
ــــــــــــــــــــــــ
في مطار قطر
وراحت خلود لأبوها وسلمت على عمانها
ورجعم للبيت.
ــــــــــــــــــــــــــــــــ
وفي البيت الأهل كلهم متجمعين ينتظروا خلود.
دخل بوحسن : السلام عليكم
الجميع: وعليكم السلام
ودخلت خلود ولفتت انتباههم بجمالها الفائق وبسحر عيونها وهي لابسه العباءة والشيلةوكلهم مندهشين منها.
خلود: السلام عليكم
الكل: وعليكم السلام
بوحسن : هذى خلود بنت عمكم تعالوا سلموا عليها.
وكلهم سلموا على خلود.
وحست خلود أنها تعرفهم من زمان.
وراحت فاطمة مع روضه يوصلون خلود لغرفتها علشان ترتاح أشوى
قامت خلود من النوم ونزلت تحت عندهم وسولفت خلود لأهلها عن حياتها كلها واهم سولفوا معها وتعرفوا كلهم على بعض وراحت خلود مع أختها فاطمة وبنت عمها روضه بالصالة الثانية علشان يتعرفون على بعض أكثر .
وجاسم للحين ماعرف بالسالفة ان له بنت عم وإنها موجودة الحين بالبيت لكثرة أشغاله .
دخل جاسم البيت
جاسم: السلام عليكم
سعود وناصر: هلا ومرحبا بالقاطع
جاسم : ههههههه والله الأشغال بعد شسوي.
ناصر: جسوم سلمت على بنت عمك خلود.
جاسم: أولا ثمن كلامك أنا أخوك الكبير وثانيا من خلود؟
سعود: جاسم أنت للحين ماعرفت؟
جاسم: أعرف ! بشنو؟ شسالفه فهموني
وقاله: سعود كل شي .
جاسم وأهو مستغرب ومندهش ومو راضي يفهم السالفة
جاسم : واهي الحين وينها.
ناصر: مع البنات فوق بالصالة.
راح جاسم فوق بيسلم على بنت عمه
وانصدم جاسم بخلود .
فاطمة وروضه: هلا جاسم شخبارك؟
جاسم : هلا فاطمة وروضه أنا بخير واهو يتكلم عيونه مارضت تنزل من عيون خلود .
وخلود بنت حيل خجولة استحت وحمر وجهها من كثرة خز جاسم لها.
فاطمة: ماتسلم على بنت عمك خلود.
جاسم واهو مستحي: شخبارج خلود.
خلود: الحمدلله أبخير أنت شخبارك؟
جاسم:دوووووم ان شاء الله و إنا بخير .
خلود: دام عزك يا ولد العم.
ومن يومها جاسم يفكر بخلود .
ــــــــــــــــــــــــــــــــــــــــــ
وبعد شهر
اتصلت عهود أخت خلود عليها بنقال خلود وخلود جالسه عند أهلها كلهم بالصالة
رن نقال خلود
خلود: الووووو
عهود: قوووووه خلود شلونج شخبارج
خلود: هلاااااااا وغلااااااااا ومسهلااااا انا تمام وانتي
عهود: الحمدلله انا أبخير
خلود: شخبار أمي وشخبار الكويت والله وحشتوني مووت
عهود:أمي تسلم عليج وايد وان شاء الله أنا وأمي بنزورج الأسبوع الجاي
خلود و أهي فرحانة : واااااااااااااااااااااااااااو بتزوروني حياكم الله بأي وقت وان ما
شالكم البيت عيوني تشيلكم.
عهود: أشوفج بخير ان شاء الله يلا مع السلامة
خلود: بحفظ الرحمن
بوحسن: خلود أشوفج وايد فرحانة شسالفه؟
خلود: أختي وأمي بيييون لقطر الأسبوع الجاي.
الجد: حياهم الله البيت بيتهم.
بوحسن: بسوي عشاء لهم وش رايكم؟
الشباب: وناسه أحلى راي.

________________
مر أسبوع
وخلود تجهز غرفة لأمها وأختها لأن يبون ينامون عندها يومين.
(بيوم العشا) وصلت أم خالد وأختها عهود.
استقبلت خلود أمها و أختها بالمطار ووصلوا للبيت
دخلوا البيت وسلموا وقعدوا فالصالة مع حريم أعمام خلود
خذت خلود أختها عهود فوق غرفة البنات وعرفتها على بنت عمها وأختها ،وراحت خلود لغرفتها تجهز للعشا ، وأعمام خلود والشباب جالسين فالمجلس ، ووصلوا حريم وايد وفاطمة وروضه وعهود استقبلوا الحريم وضيفوهم والحريم اجلسوا فالصالة ، نزلت خلود وكلها نعومة وجمال .
وقت العشا تعشوا الحريم وراحوا بيوتهم ، وأم خالد راحت لغرفتها ترتاح ، والكل راح ينام ، والبنات جالسين فالصالة يسولفون ، دخل ناصر و جاسم و سعود وحسن الصالة .
جاسم وناصر وسعود وحسن : السلام عليكم .
البنات: وعليكم السلام
ناصر من أول ما دخل وعيونه على عهود، وعهود مستحية ، وجاسم وعيونه على خلود كلها عشق وهيام .
حسن: للحين ما نمتوا ؟
فاطمة : شنسوي ماشبعنا من سوالف عهود
حسن: شلونج أخت أختي
عهود: شلونك أخو أختي
الكل ضحك عليهم .
ناصر: شلونج عهود شخبارج ؟
عهود: بخير الحمدالله وأنت شلونك شخبارك ؟
ناصر: دووووووم إن شاء الله أنا بخير
عهود: دام عزك يلا أنا أستأذن
سعود: على وين ؟ لايكون تبين تسافرين هالحزه
عهود: لا أنا أبغي أنام
روضه : أنا بعد بروح أنام
وراح الكل ينام ، ناصر يفكر بعهود كزوجة له ،وسعود راح ينام ،وفاطمة نامت اهي و روضه ، أما خلود فجاعت وراحت المطبخ تسوي لها شئ تأكله،مر جاسم وشاف ليت المطبخ وراح يشوف منو اللي داخل .
جاسم: واااااااااااااااو
اخترعت خلود: جاسم شفيك خرعتني
جاسم: شتسوين هالحزه؟
خلود: جعت وسويت لي شئ أكله
جاسم: أنتي ما تشبعين يا البطة توج ماكله
خلود: أنا بطة !!! وأصلا أنا ماتعشيت علشان كذا جعت
جاسم: خلود بقولج شئ
خلود مخترعه : شفيك جاسم صاير شئ
جاسم: شفيج اخترعتي كل ما في الموضوع إني أحبج وإني بتزوجج
حمر وجهها وصار طماطة
جاسم: ها وش قلتي
خلود: ما أدري
و ذهبت خلود غرفتها.
ــــــــــــــــــــــــــــــــــــــــــــــــــ ـــــ
8.10 صباحا
ـــــــــــــــــ
راح جاسم لغرفة أبوه
جاسم: يبه أنا مب جاهل والصراحة يبه أنا أبي بنت عمي خلود زوجة لي وش قلت
بوجاسم: هذي الساعة المباركة خلاص أنا بكلم بوحسن وبوحسن يكلم أم خالد
جاسم: مشكور يبه
ــــــــــــــــــــــــــــــــــــ
عهود تسلم على البنات لأنها تبي تسافر لكويت أمها تنتظرها بالسيارة ، نزلت عهود تحت الصالة
وشافت ناصر بدربها.
ناصر: على وين عهود
عهود: أنا إن شاء الله بسافر لكويت
ناصر: توج أمس جاية ليش ما تصبرون لباجر
عهود: إن شاء الله الجايات أكثر
ناصر: عهود
عهود: هلا
ناصر: أنا الصراحة يوم شفتج عجبتيني وأنا بكلم أمي تخطبج لي فحبيت أعرف رايج قبل أمي تسافر لكويت
حمر وجه عهود وماتت حيا : الله يكتب اللي فيه خير يلا مع السلامة تأخرت
ناصر: مع السلامة
فرح ناصر من كل قلبه وراح كلم أمه وأبوه
أم جاسم: الصراحة عهود بنت ما عليها كلام بنت قمر وخلوقة ومؤدبة
أبو جاسم: شالسالفة قبل شوي مكلمني جاسم عن نفس الموضوع
ناصر معصب: شنو يبي يخطب عهود ؟
أبو جاسم: لا مب عهود أختها خلود
فرح ناصر: الحمدالله
أم جاسم: أول شئ يا أبو جاسم تكلم أبو حسن عن خلود وبعدين أنا بروح لكويت وأخطب عهود وخلود لعيالي جاسم وناصر
ـــــــــــــــــــــــــــــــــــــــــــــ
كلم بوجاسم بوحسن عن خلود وفرح بوحسن من قلبه ، وراحت أم جاسم وخطبت عهود وخلود حق عيالها ناصر وجاسم وملجم وتم تحديد زواج خلود وعهود بنفس اليوم
ـــــــــــــــــــــــــــــــــــــ
مر شهرين ووصل يوم عرس فاطمة أخت خلود ، وطبعا الكل تكشخ وتزين ،وحضرت عهود وأمها العرس ، خلود راحت مع فاطمة الصالون ، والحريم مع أم خالد راحوا العرس مب باقي إلا روضه وعهود ينتظرون من اللي بوصلهم العرس ، مر ناصر وشاف عهود .
ناصر: هلا وغلا بأحلى عهود بالدنيا هذي كلها
عهود: هلا فيك
ناصر: لين الحين مارحتوا العرس
عهود: شنسوي محد يوصلنا
ناصر: أفاااا وأنا وين ؟
عهود: توك وصلت
روضه: هيه أنتم فاضين يلا وصلنا العرس
ناصر: من قالج إني بوصلج
روضه : شنو تبي نقعد هني وتروح كشختنا على الفاضي ؟
ناصر: أنا بس بوصل حبيبة قلبي عهود
روضه: شنووووووووو هيه أنت إذا تزوجتها سو اللي تبيه بس وصلنا
ناصر: هيه أنتي ما تدرين إنها الحين زوجتي
عهود: ناصر وش فيك يلا وصلنا
ناصر: إن شاء الله حياتي يلا مشينا
روضه: وأنا
ناصر يسوي حركات بيده حق روضه ويقول يعني بالحركات إذا ركبتي يا ويلج
عهود: يلا شناطرين
روضه: عهود ترى ناصر يهددني إذا ركبت السيارة
عهود: ما عليج منه بس يلا
وراحوا العرس، ودخلت عهود وروضه الفندق وكان العرس فضيــــــــــــع، ودخلت العروس مع خلود الفندق وكان منظرهم روعه ، ووصل المعرس و مع جاسم وحسن وسعود وناصر ، وناصر عيونه على عهود ويسوي لها حركات واهي ميته ضحك عليه ، وجاسم طول الوقت يطالع خلود ويبتسم لها واهي تبتسم .
طلعت العروس فاطمة مع المعرس من الفندق ، والكل رد من الفندق مستانسين و عهود وناصر وجاسم وخلود وسعود وروضه جالسين بالصالة سهرانين لين الحين ماناموا .
ناصر: متى يمر الوقت
الكل قاعد يطالعه
جاسم: وش فيك ليش تبي الوقت يمر بسرعة ؟
فهمت عهود ناصر وميتة ضحك عليه
روضه: لاحق عليها يلا عهود الساعة 2.45 نبي انام
ناصر: يا السخيفة نبي انام رووحي أنتي نامي وش ناطره
روضه: كيفي يلا عهود
عهود: يلا روضه باي ناصر تصبح على خير
ناصر: وأنتي من أهل الخير
خلود: يلا أنا بعد بروح أنام تصبحون على خير
جاسم: وأنتي من أهله
سعود: أنا بروح أنام
جاسم: وأنا بعد شفيك ناصر؟
ناصر: متى باقي على عرسي؟
جاسم: ثلاث أشهر ليش؟
ناصر: يعني مراح أشوف عهود لمدة ثلاث أشهر
جاسم: أقول امش يلا روح غرفتك نام
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــ
بعد ثلاث أشهر تزوجت خلود وعهود بنفس اليوم ، وعاشت عهود وخلود بقطر ، وبعد أربع سنوات تزوجت روضه وسعود ، وجابت خلود بنت وسمتها شوق وولد سمته محمد، وعهود جابت ثلاث أولاد وسماهم ناصر: طلال وفيصل وفهد وبنتين سمتهم عهود : تهاني وأماني ، وروضه جابت ولدين وسماهم سعود : أحمد و مشاري وبنت سمتها روضه ابتسام ، والكل
عاش بخير ليومنا هذا .
والسلام عليكم ورحمة الله وبركاته

حنين الاشواق · 09-01-2010, 12:17 PM

عاشت الايادي على القصة المميزة
تحياتي لك

نسرين سليمان · 09-02-2010, 12:06 AM

مشكورة غاليتى لمرورك الكريم ولعطر

اعلانات نصية
شـات توب عرب	فـيـديو وصوتيات	لقاء مع اغنى امراة في مصر	ترقص وترسم احلا لوحة	الـعـروض الـتـجـاريـة rss	تـوبـيــكـات حزينة rss	صـور اطـفـال rss	صـور طـبـيـعـة rss
بـرامـج الـكـمـبـيـوتـر rss	ازيـاء rss	مساحة إعلانيه

09-01-2010, 12:17 PM	#2
حنين الاشواق :: مشرف عام :: تاريخ التسجيل: May 2009 المشاركات: 21,449 قوة السمعة: 24	عاشت الايادي على القصة المميزة تحياتي لك الموضوع الأصلي : خلود \|\| المصدر : توب عرب

09-02-2010, 12:06 AM	#3
نسرين سليمان :: مشرف :: تاريخ التسجيل: Jun 2009 المشاركات: 9,540 قوة السمعة: 0	مشكورة غاليتى لمرورك الكريم ولعطر الموضوع الأصلي : خلود \|\| المصدر : توب عرب

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
حلوى من صقليه	ريتاج احمد	الحلويات	2	10-24-2009 11:13 AM
حلوى	دموع العين	الحلويات	1	08-22-2009 11:33 PM
حلوى زوكوتو	ريتاج احمد	الحلويات	1	08-10-2009 04:02 PM
حلوى كعب الغزال	اسيره الاحزان	الحلويات	1	07-06-2009 07:43 PM
حلوى الشعيرية	اسيره الاحزان	الحلويات	0	07-05-2009 07:07 PM

الذين يشاهدون محتوى الموضوع الآن : 1 ( الأعضاء 0 والزوار 1)

خلود

الرويات والقصص القصيرة